Martın 26-da DÇ-2018-in seçmə mərhələsində millimizlə qarşılaşacaq Almaniya yığması Bakıya gəlib.
Newsport.az-ın məlumatına görə, son dünya çempionlarını paytaxtımıza gətirən təyyarə saat 22:25 radələrində Heydər Əliyev Beynəlxalq Aeroportunda eniş edib.
Komanda üzvləri hava limanından birbaşa qalacaqları otelə yollanıblar.
Xatırladaq ki, Azərbaycan - Almaniya görüşü martın 26-da Tofiq Bəhramov adına Respublika stadionuda saat 20:00-da start götürəcək.