Yayda "Çelsi" ilə müqaviləsi başa çatan Tiaqo Silvanın yeni klubu məlum olub.
Newsport.az-ın məlumatına görə, braziliyalə müdafiəçi karyerasını ölkəsində davam etdirəcək.
39 yaşlı futbolçu "Fluminense"yə keçib. Bu barədə klubun mətbuat xidməti məlumat yayıb. Təcrübəli mərkəz müdafiəçisi yeni klubu ilə 2 illik müqavilə imzalayıb.
Qeyd edək ki, Tiaqo Silva 2020-ci ilin yayından "Çelsi"də çıxış edir. Braziliya millisinin üzvü bu mövsüm London təmsilçisinin heyətində meydana çıxdığı 35 rəsmi matçda 4 qol və 1 məhsuldar ötürmə ilə yadda qalıb.