Veloparkda mövsümün “Açılış yarışı”nda ROVM-in yetirmələri fərqləndi

Velosiped idmanı federasiyasının təqvim planına əsasən Veloparkda mövsümün “Açılış yarışı” keçirilib.

Newsport.az-ın məlumatına görə, yarışda klub və cəmiyyətlərin müxtəlif yaş qrupları üzrə 70-ə yaxın idmançısı iştirak edib.

15 yaşadək qız və oğlanların 7,2 kilometr məsafəyə mübarizəsi Respublika Olimpiya Velosiped Məktəbinin yetirmələri Fatimə Əfqanzadə və Hüseyn Nərimanovun qələbəsi ilə başa çatıb.

On iki kilometr məsafə qət edən 17 yaşadək qızlar arasında fəxri kürsün ilk pilləsinə 7 nömrəli Olimpiya Məktəbinin təmsilçisi Viktoriya Sidorenko qalxıb.

Bu yaş qrupunda çıxış edən oğlanların 21 kilometr məsafəyə yarışında isə Respublika Olimpiya Məktəbinin üzvü Nikita Sitov qalib olub.

Gənc qızlar arasında 21 kilometr məsafəni hamıdan tez başa vuran Respublika Olimpiya Velosiped Məktəbinin velosipedçisi Ayan Xankişiyeva qızıl medala layiq görülüb.

Adı çəkilən məktəbin digər üzvü Nəcəf Bağırov isə gənc oğlanlar arasında 42 kilometr məsafəni birinci tamamlayıb. Qaliblər medal, diplom və hədiyyələrlə təltif ediliblər.





Xəbər lenti







Neftçi Qarabağ Qəbələ Sumqayıt Kəpəz Sabah Araz-Naxçıvan Səbail Turan Tovuz Zirə
Banner left
Banner right