Türkiyə əsilli avstriyalı MMA döyüşçüsü Mikail Özen dostu Receb Gültekin ilə birlikdə Vyanada terror hücumu zamanı yaralı polisi xilas edib.
Newsport.az-ın məlumatına görə, onlar yaralı polisi təcili yardım maşınına aparıblar.
Daha sonra isə türklər yaşlı qadına kömək ediblər. Özen bildirib ki, həmin şəxs hadisə yerinə getmək istəyirmiş: "Onu görüb dayandırdıq və təhlükəsiz yerə apardıq".
Hücum zamanı Gültekin da xəsarət alıb.
Qeyd edək ki, noyabrın 2-də Vyanada azı 3 nəfərin öldüyü terror hadisəsi baş verib. 9 dəqiqə sonra 20 yaşlı cinayətkar Avstriya polisinin xüsusi təyinatlıları tərəfindən öldürülüb.