Dəfələrlə edilən xəbərdarlığa məhəl qoymayan düşmənə qarşı Azərbaycan Ordusu tərəfindən cəza tədbirləri görülür.

Newsport.az-ın məlumatına görə, bu barədə Müdafiə Nazirliyi məlumat yayıb.

Azərbaycan Respublikasının Müdafiə naziri general-polkovnik Zakir Həsənov isə Ermənistana xəbərdarlıq edib.

Madafiə Nazirliyindən verilən məlumata görə, Müdafiə naziri bildirib ki, Ermənistan ərazisindən Azərbaycan ərazisinə atəş açılması açıq təxribat xarakteri daşıyır və döyüş bölgəsini genişləndirir.

Nazirliyin yaydığı digər məlumata görə, Azərbaycan Ordusunun rəhbərliyi döyüş tapşırıqlarının uğurlu icrasını planlaşdırır və təşkil edir.