Belarusun paytaxtı Minskdə keçirilən 2-ci Avropa Oyunları davam edir.
Newsport.az-ın məlumatına görə, bu gün Azərbaycan boksçusu Alfonso Dominges final qarşılaşmasına çıxıb.
81 kq mübarizə aparan təmsilçimiz qızıl medal uğrunda Bencamin Vittakerlə (Böyük Britaniya) üz-üzə gəlib. Rəqibinə 3:2 hesabı ilə qalib gələn boksçumuz ölkəmizə qızıl medal qazandırıb.
18:55. 81 kq, final
Alfonso Dominqes – Bencamin Vittaker (Böyük Britaniya) - 3:2
Qeyd edək ki, milliləşdirilmiş boksçu finala qədər Stefan Xrekul (Ukrayna), Mixail Dauhaliavets (Belarus), Ziad əl-Mohor (Belçika) və Simeone Fiorini (İtaliya) məğlub edib.
Qeyd edək ki, bu, Azərbaycanın Avropa oyunlarında 23-cü medalı olub. Bunlardan dördü qızıl, yeddisi gümüş, on ikisi bürüncdür.