Bu gün Bakı Şəhər Halqası ilə "Formula 1" Şirkətlər Qrupu arasında Azərbaycan Qran-prisinin keçirilmə müddətinin uzadılmasına dair yeni müqavilə imzalanıb.
Newsport.az-ın məlumatına görə, bu barədə gənclər və İdman naziri Azad Rəhimov bugünkü mətbuat konfransında bildirib. O, yeni müqavilənin müddətinin 2023-cü ilə qədər nəzərdə tutulduğunu deyib.
Müqaviləni Azərbaycanın gənclər və idman naziri Azad Rəhimov və Formula 1 Şirkətlər Qrupunun baş icraçı direktoru Çeyz Kerri imzalayıblar.
Bakıda ilk dəfə Formula 1 Qran-Prisi 2016-cı ildə təşkil olunub. Builki Qran-pri 28 - 30 apreldə keçiriləcək.