Qurban Qurbanov bütün rəqiblərindən üstün oldu

Gürcüstanın Rustavi şəhərində Dünya çempionu Temo Kazaraşvilinin şərəfinə yeniyetmə yunan-Roma güləşçiləri arasında beynəlxalq turnir keçirilib. 

Newsport.az-ın məlumatına görə, güləşçilərimiz turniri 1 qızıl, 3 gümüş və 3 bürünc medalla başa vurub. 

Bütün rəqiblərindən üstün olan Qurban Qurbanov (45 kq) turnirin qızıl medalına layiq görülüb. Final görüşündə komanda yoldaşına uduzan Fərhad İsrafilov (45 kq), eləcə də Ruslan Hədisov (65 kq) və Sərxan Məmmədov (110 kq) isə gümüş medalla kifayətlənib. 

Bürünc medalları isə yığmamıza Həsrət Cəfərov (51 kq), Xasay Həsənli və Adəm Hacızadə (hər ikisi 60 kq) qazandırıb. 

Görüşlərin idarə edilməsində ölkəmizi beynəlxalq dərəcəli hakimlər Elgün Məmmədov və Zaur Şərifov təmsil edib.





Xəbər lenti







Keşlə Qarabağ Qəbələ Sumqayıt Neftçi Səbail Zirə Kəpəz