Mərhum qrossmeyster Vüqar Həşimovun xatirəsinə həsr olunmuş "ShamkirChess 2018" superturnirində VI turun daha bir görüşü başa çatıb.
Newsport.az-ın məlumatına görə, Teymur Rəcəbov ağ fiqurlarla polşalı Radoslav Voytaşeklə heç-heçə edib.
Qarşılaşma 46-cı gedişdən sonra "sülh"lə bitib. Daha əvvəl Şəhriyar Məmmədyarov çinli Dinq Lirenle xalı yarı bölüb. Eyni nəticə Sergey Karyakin (Rusiya) - Maqnus Karlsen (Norveç) görüşündə də qeydə alınıb
Hollandiya təmsilçisi Aniş Giri isə çexiyalı David Navaranı məğlub edib. Teymur Rəcəbov keçirdiyi bütün görüşləri heç-heçə başa vurub.