"Qəbələ" Bakıda "Raquf Orucov kuboku"nu qazandı

Bakı İdman Sarayında şəhid polkovnik-leytenant Raquf Orucovun xatirəsinə həsr olunmuş ikinci beynəlxalq cüdo turnirinə yekun vurulub.

Newsport.az-ın məlumatına görə, Azərbaycan Gənclər və İdman Nazirliyinin, Azərbaycan Cüdo Federasiyasının dəstəyi ilə təşkil olunan “Raquf Orucov Kuboku”nda yaşı 21-dək oğlan və qızlardan ibarət klub komandaları iştirak edib.

Turnirdə Azərbaycanı təmsil edən komandalar, həmçinin Rusiya və Gürcüstanın klubları mübarizə aparıb. Turnirdə uğurla çıxış edən “Qəbələ” İdman Klubunun cüdoçuları yarışın qalibi adını qazanıb.

Komanda finalda “Judo Club 2012” ilə qarşılaşıb. Həlledici görüşdə 5:1 hesabı ilə qalib gələn gənc cüdoçular “Raquf Orucov Kuboku”na sahib olublar. 





Xəbər lenti







Keşlə Qarabağ Qəbələ Sumqayıt Neftçi Səbail Zirə Sabah