Hidayət Heydərov Antalya Qran-prisində bürünc medal qazandı

Azərbaycan cüdoçusu Hidayət Heydərov Türkiyənin Antalya şəhərində keçirilən Qran-pridə bürünc medal qazanıb.

Newsport.az saytının məlumatına görə, 73 kq çəki dərəcəsində mübarizə aparan 21 yaşlı idmançı mübarizəyə 1/16 finaldan başlayıb.

O, ardıcıllıqla avstriyalı Lukas Reyter, rusiyalı Feliks Qaluayev və iranlı Məhəmməd Məhəmmədiyə qalib gəlib.

Lakin Heydərov yarımfinalda cənubi koreyalı Çanqrim Ana uduzub. Bununla belə, o, bürünc medal uğrunda montoneqrolu Nikoloy Qusiçi yenərək, fəxri kürsünün üçüncü pilləsinə yüksəlməyi bacarıb.

Azərbaycan yığması Qran-priyə 10 cüdoçu ilə yollanıb. İlk yarış günündə mübarizə aparan 5 idmançıdan heç biri medal qazana bilməyib.





Xəbər lenti







Keşlə Qarabağ Qəbələ Sumqayıt Neftçi Səbail Zirə Sabah