Azərbaycan superliqasında çıxış etmiş qadın voleybolçu Vera Kilimoviç karyerasını ilk dəfə Türkiyədə davam etdirəcək.
Newsport.az-ın məlumatına görə, təcrübəli blokçu "Bursaspor"la anlaşıb. Keçidi barədə voleybolunadresi.com-a geniş müsahibə verən xanım idmançı, ölkəmizdə oynadığı və burada xoş təəssürat aldığını deyib:
"Bakı "Lokomotiv" ilə gözəl günlər keçirdim. Bu klubla bir dəfə Çağırış kubokunu qazandım. Ən son Belarus millisində çıxış etmişəm. Komandamla Avropa çempionatının ələmələrində iştirak etdim.
Heyətdə ən yaxşı blok quran 2-ci voleybolçu sayıldım. İndi əsas düşüncəm Türkiyə 1-ci liqasında uğurlu olmaqdır. Ona görə hazırlığa erkən başlamışam".
Hazırda Vera Kilimoviçin həyan yoldaşı olan "Bursaspor"un braziliyalı baş məşqçisi Angelo Verçesi də xeyli müddət Azərbaycannda çalışıb.