İslam Həmrəyliyi Oyunlarının basketbol 3x3 yarışlarının üçüncü günündə qadınların və kişilərin mübarizəsində dörddəbir final mərhələsinə start verilib.
Newsport.az-ın məlumatına görə, kişilərin yarışında Azərbaycan millisi İndoneziya ilə oyunu vaxtından əvvəl qələbə ilə başa vurub - 21:13.
Kot d'İvuar yığması isə oyuna çıxmadığı üçün Türkiyəyə texniki qələbə verilib.
Dörddəbir final mərhələsinin digər görüşlərinin günün ikinci yarısında oynanılması nəzərdə tutulsa da, hava şəraiti ilə əlaqədar qarşılaşmalar keçirilməyib. Bu mərhələnin qalan oyunları mayın 21-də oynanılacaq.