İslamiada: Bütün yunan-Roma güləşçilərimiz fəxri kürsüdə

Paytaxtımızda keçirilən IV İslam Həmrəyliyi Oyunları çərçivəsində Heydər Əliyev adına İdman Arenasında güləş yarışları davam edir.

Newsport.az-ın məlumatına görə, yarışlarda sərbəst, yunan-Roma və qadın güləşi üzrə yığma komandamız mübarizə aparır. 

Güləş yarışlarının ilk günündə Orxan Nuriyev (98 kq) qızıl, Rafiq Hüseynov (80 kq) gümüş, Murad Məmmədov (59 kq) və Rəsul Çunayev (71 kq) bürünc medala yiyələnib. 


 

İkinci yarış günündə 66, 75, 85 və 130 kq çəkidə qaliblər müəyyənləşib. Güləşçilərimiz günü 3 qızıl və 1 bürünc medalla başa vurub. Kamran Məmmədov (60 kq), Elvin Mürsəliyev (75 kq) və İslam Abbasov (85 kq) bütün rəqiblərini üstələyərək IV İslam Həmrəyliyi Oyunlarının qızıl medalın sahib olub. 130 kq-da mübarizə aparan Sabah Şəriəti isə bürünc medala yiyələnib. 

Beləliklə, IV İslam Həmrəyliyi Oyunlarının güləş yarışlarında yunan-Roma güləşi üzrə mübarizə yekunlaşıb. Yığma komandamızın üzvləri yarışı 4 qızıl, 1 gümüş və 3 bürünc medalla başa vurub. 

66 kq
FİNAL - Z.Kilibayev (KGZ) - Kamran Məmmədov 0:9
1/2 final - Kamran Məmmədov - M.Raxmatov (UZB) 6:0
1/4 final - M.Zeidvand (İRİ) - Kamran Məmmədov 0:6

75 kq
FİNAL - Furkan Bayrak (TUR) - Elvin Mürsəliyev 0:1
1/2 final - Elvin Mürsəliyev - K.Togulbaev (KGZ) 3:2
1/4 final - Elvin Mürsəliyev - R.Garmsiri (İRİ) 6:1

85 kq 
FİNAL - İslam Abbasov - Ali Cengiz (TUR) 3:1
1/2 final - İslam Abbasov - A.Beişebekov (KGZ) 3:1
1/4 final - Fallahhamidabadi (İRİ) - İslam Abbasov 1:2

130 kq 
Bürünc medal görüşü - R.Alkrad (SYR) - Sabah Şəriəti 0:9
1/2 final - M.Abdullaev (UZB) - Sabah Şəriəti 8:0
1/4 final - Sabah Şəriəti - M.A. Xan (PAK) 9:0

 





Xəbər lenti







İnter Qarabağ Qəbələ Sumqayıt Neftçi AZAL Zirə Kəpəz