Serbiyanın Novı Sad şəhərində güləş üzrə Avropa çempionatı davam edir.
Newsport.az-ın məlumatına görə, güləşçilərimiz ilk iki yarış günündə 2 qızıl, 1 gümüş və 1 bürünc medal qazanıb. Mariya Stadnik (48 kq) və Giorgi Edişeraşvili (57 kq) qızıl, Aleksandr Qostiyev (86 kq) gümüş, Tatyana Omelçenko (60 kq) bürünc medala sahib olub.
Üçüncü yarış günündə 55 və 75 kq qadın, 61 və 74 kq çəkidə isə sərbəst güləşçilər mübarizə aparıb. Güləşçilərimiz günü 1 gümüş və 1 bürünc medalla başa vurub.
55 kq çəki dərəcəsində mübarizə aparan Alyona Kolesnik Türkiyə və Almaniyadan olan rəqiblərini üstələsə də yarımfinalda Bolqarıstan təmsilçisi ilə gərgin keçən görüşü uduzub. Bürünc medal görüşünə haqq qazanan təmsilçimizin rəqibi Serbiya idmançısı olub. 48 saniyə ərzində rəqibinə tam üstünlüklə qalib gələn Kolesnik çempionatın bürünc medalını qazanıb.
74 kq çəkidə yarışan Murad Süleymanov ardıcıl olaraq İspaniya, Fransa, yarımfinalda Rusiya idmançısına qalib gəlib və finala yüksəlib. Qızıl medal uğrunda görüşdə güləşçimizin rəqibi Türkiyə təmsilçisi təcrübəli Söner Demirtaş olub. Gərgin keçən görüş rəqibin xeyrinə başa çatıb. İlk dəfə böyüklər yaş kateqoriyasında rəsmi yarışda iştirak edən güləşçimiz Murad Süleymanov gümüş medalla kifayətlənib.
55 kq
Bürünc medal görüşü - Merima Galetin (SRB) - Alyona Kolesnik 0:6 (tuşe, 48 san.)
1/2 final - Bilyana Jivkova Dudova (BUL) - Alyona Kolesnik 12:10
1/4 final - Alyona Kolesnik - Sandra Paruszevski (GER) 10:0
1/8 final - Alyona Kolesnik - Bediha Gun (TUR) 9:2 (tuşe)
61 kq
Təsəlliverici görüş - Andrei Perpelita (MDA) - Əhmədnəbi Qvarzatilov 12:10
1/4 final - Əhmədnəbi Qvarzatilov - Vladimer Xinçeqaşvili (GEO) 5:9
1/8 final - Jozsef Molnar (HUN) - Əhmədnəbi Qvarzatilov 2:10
74 kq
FİNAL - Murad Süleymanov - Soner Demirtaş (TUR) 4:6
1/2 final - Axmed Qadjımaqomedov (RUS) - Murad Süleymanov 3:5
1/4 final - Murad Süleymanov - Zalimxan Hacıyev (FRA) 10:5
1/8 final - Murad Süleymanov - Taimuraz Friev Naskidaeva (ESP) 4:1
