IV İslam oyunlarında iştirak edəcək Türkiyənin futbol komandası Azərbaycana gələn həftə gələcək.

Newsport.az saytının məlumatına görə, bunu jurnalistlərə açıqlamasında Türkiyənin Azərbaycandakı səfiri Erkan Özoral deyib.

O bildirib ki, ümumilikdə Türkiyədən Azərbaycana 500 nəfədən ibarət nümayəndə heyəti gələcək: "Bu da Azərbaycandan sonra ikinci ən böyük nümayəndə heyətidir".

Səfir əlavə edib ki, İslam oyunlarının açılışına Türkiyənin idman nazirin gələcəyi dəqiqdir. Açılış mərasimində Tükiyənin ən yüksək səviyyədə təmsil olunub-olmayacağına barədə suala cavabında isə səfir deyib ki, hələ bununla bağlı qəti bir qərar yoxdur.