AÇ-2017: ikinci gün 1 qızıl və 2 bürünc medal qazandıq YENİLƏNİB

Macarıstanın Szombathely şəhərində güləş üzrə U-23 Avropa çempionatı davam edir.

Newsport.az-ın məlumatına görə, güləşçilərimiz ilk yarış gününü 1 qızıl və 1 bürünc medalla başa vurub. Teymur Məmmədov (65 kq) qızıl, İsmayıl Abdullayev (74 kq) bürünc medal qazanıb. 

İkinci yarış günündə 61, 70, 86 və 125 kq çəkidə sərbəst güləşçilər mübarizə aparıb. Güləşçilərimiz günü 1 qızıl və 2 bürünc medalla başa vurub. 

61 kq-da mübarizə aparan Əli Rəhimzadə ardıcıl olaraq Almaniya və Belarusdan olan rəqiblərini mübarizədən kənarlaşdırıb. Yarımfinalda Rusiya idmançısı ilə gərgin keçən görüşü uduzan güləşçimiz bürünc medal uğrunda görüşə haqq qazanıb. İsveçrə təmsilçisini tam üstünlüklə məğlub edən Əli çempionatın bürünc medalını qazanıb. 

70 kq çəkidə təmsilçimiz Hacımurad Ömərov Gürcüstan, Moldova və Belarusdan olan rəqiblərini mübarizədən kənarlaşdırıb və finala yüksəlib. Finalda Rusiya idmançısından da üstün olan Hacımurad Avropa çempionatının qızıl medalına sahib olub.  

86 kq-da yarışan Kənan Əliyev Belarus və İtaliyadan olan rəqiblərini üstələsə də, yarımfinalda yerli macar idmançı ilə gərgin keçən görüşdə məğlub olub. Axşam proqramında güləşçimiz İsveçrə təmsilçisi ilə bürünc medal uğrunda görüşə çıxıb. Rəqibini üstələyən Kənan Əliyev çempionatın bürünc medalını qazanıb.  

Beləliklə, U-23 Avropa çempionatında iki gün davam edən sərbəst güləş yarışlarını yığmamız 2 qızıl və 3 bürünc medalla tamamlayıb.  



61 kq 
Bürünc medal görüşü. Randy Adrian Vock (İsveçrə) - Əli Rəhimzadə - 2:13
1/2 final - Əli Rəhimzadə - Hacımurad Rəşidov (Rusiya) - 2:4
1/4 final. Huseyn Şaxbanov (Belarus) - Əli Rəhimzadə - 0:5
1/8 final. Nico Antonio Zarcone (Almaniya) - Əli Rəhimzadə 3:5
 
70 kq
FİNAL. Zaurbek Sidakov (Rusiya) - Hacımurad Ömərov - 1*:1
1/2 final. Surxo Raşitxanau (Belarus) - Hacımurad Ömərov - 0:5 (tuşe)
1/4 final. Toma Vascan (Moldova) - Hacımurad Ömərov - 0:10
1/8 final. Mirza Sxulukia (Gürcüstan) - Hacımurad Ömərov - 1:12
 
86 kq
Bürünc medal görüşü. Stefan Reichmuth (İsveçrə) - Kənan Əliyev - 1:2
1/2 final. Kənan Əliyev - Bendeguz Toth (Macarıstan) - 6:8
1/4 final. Aron Caneva (İtaliya) - Kənan Əliyev - 0:8
1/8 final. Kənan Əliyev - Abdulla Ömərov (Belçika) - 5:2
 
125 kq 
1/8 final. Umar İsrailov - Danylo Kartavyi (Ukrayna) 6:14

 

 





Xəbər lenti







Neftçi Qarabağ Qəbələ Sumqayıt Kəpəz Sabah Araz-Naxçıvan Səbail Turan Tovuz Zirə
Banner left
Banner right