Sərbəst güləş üzrə millimizin İranın Kirmanşah şəhərində keçiriləcək Dünya Kubokunda iştirak edəcəyi heyət bəllidir.

Newsport.az-ın məlumatına görə, baş məşqçi Firdovsi Umudov 16-17 fevralda baş tutacaq yarışa eksperimental heyətlə qatılmağı məqsədəuyğun sayıb. Artıq İranda olan yığmamızın sıralarında həm tanınmış güləşçilər, həm də debütantlar var:

Mahir Əmiraslanov, Georgi Ediraşvili (hər ikisi 57 kq), Əli Rəhimzadə (61 kq), Hacı Əliyev, Maqomed Muslimov (65 kq), David Suynuçıxanov (70 kq), Cəbrayıl Həsənov, Murad Süleymanov  (74 kq), Şərif Şərifov (86 kq), Aslanbek Alborov, Nurmaqomed Hacıyev (97 kq), Cəmaləddin Maqomedov.

Olimpiya çempionu Toğrul Əsgərovun qonşu ölkəyə yollanmamasının səbəbi açıqlanmır.

Seçməmiz Rusiya, ABŞ və Gürcüstanla A qrupunda mübarizə aparacaq. Öncə ruslarla gücünü sınayacaq millimiz ardından gürcüləri və amerikalıları sınağa çəkəcək. B qrupunda İran, Türkiyə, Hindistan və Monqolustan yer alıb.

Sərbəst güləş yığmamız iki dəfə Dünya Kubokunun qalibi olmağı bacarıb.