Azərbaycan sərbəst güləş üzrə yığma komandasının Dünya Kubokunda rəqibləri müəyyənləşib.
Newsport.az-ın məlumatına görə, millimiz İranda keçiriləcək yarışda A qrupunda Rusiya, Gürcüstan və ABŞ yığmaları ilə birgə çıxış edəcək.
Püşkatmanın nəticələrinə əsasən B qrupunda İran, Türkiyə, Hindistan və Monqolustan yığmaları yer alıb. Məsul turnir fevralın 16-17-də keçiriləcək.
Xatırladaq ki, sərbəst güləşçilərimiz 2015-ci ildə ABŞ-da keçirilən Dünya Kubokunun bürünc medalçısı olub.