Dünyaca məşhur çex tennisçi, “Olimpiya oyunları-2016”nın bürünc mükafatçısı Petra Kvitova evinə girən oğru tərəfindən bıçaqlandığı haqda məlumat vermişdik.
Newsport.az xəbər verir ki, çexiyalı idmançını bıçaqlayaraq evini talayan şəxs hələ də tapılmayıb. Kvitova oğrunu tapılması üçün mükafat da ayırıb. Belə ki, xanım roketka ustası xuliqanı tapan şəxsə 3 min 850 dollar verəcəyini vəd verib.
Xatırladaq ki, oğru tennisçinin evinə sayğacı yoxlamaq adı ilə daxil olub. Kvitovanı bıçaqlayan şəxs evdən 5 min kron oğurlayaraq hadisə yerindən qaçıb.
26 yaşlı idmançı 3-6 ay arası kortlardan uzaq qalacaq.