Futzal üzrə Azərbaycan millisinin və "Araz-Naxçıvan"ın kapitanı Rizvan Fərzəliyev karyerasını başa vurmağı planlaşdırır.

Newsport.az-ın məlumatına görə, təcrübəli futzalçı yeni mövsümdən məşqçi kimi fəaliyyət göstərəcək.

Bu mövsüm Naxçıvan təmsilçisi ilə növbəti çempionluğunu yaşamış 43 yaşlı futzalçının karyerasını başa vurduğu klubda məşqçi kimi çalışacağı ehtimal edilir.