Kateqoriya: Futzal | Tarix: 07.09.2017 16:14
Futzal üzrə UEFA kubokunun əsas mərhələsinin oyunlarının vaxtı açıqlanıb.
Newsport.az saytının məlumatına görə, H qrupunda mübarizə aparacaq Azərbaycan çempionu “Araz” oktyabrın 11-də Bosniya və Herseqovinanın “Mostar” klubu ilə qarşılaşacaq.
Oyun Bakı vaxtı ilə saat 17:30-da start götürəcək. Oktyabrın 12-də isə təmsilçimiz Maltanın “Luksol Sent Endryu” klubu ilə üz-üzə gələcək. Bu görüş də Bakı vaxtı ilə saat 17:30-da başlayacaq.
Naxçıvan təmsilçisi oktyabrın 14-də son turun oyununda “Deva” (Rimıniya)ilə görüşəcək. Qarşılaşma Bakı vaxtı ilə saat 20:00-da başlayacaq.
Qeyd edək ki, "Araz"ın hər üç oyunu Rumıniyada keçiriləcək.