"Yatıb yuxusunda görüb ki, Azərbaycana baş məşqçi gəlir" Zaur Axundov

Azərbaycan Futzal Federasiyasının prezidenti Zaur Axundov Newsport.az-a müsahibə verib.

- Milli komandamız Avropa çempionatının final mərhələsinə vəsiqə qazandı. Bu haqda fikirləriniz?

- Azərbaycan xalıqını təbrik edirəm. 100 faizlik nəticə ilə bunu bacardıq. Növbəti ilin ilk ayından etibarən Sloveniyada keçiriləcək final mərhələsinə hazrılıqlara start verəcəyik.

- Sizcə, ilk oyun digərlərindən çətin olmadı?

- Məcə, bütün oyunlar ağır keçdi. Bunun səbəbi odu ki, rəqiblər bizə qarşı çox ciddi hazırlaşmışdı. Albaniyanın da bizə qarşı çıxışını gördünüz. Bütün komandalar bizimlə qarşılaşmalarda özlərini sübut etmək istəyirlər. Hər oyunun fasiləsində soyunub-geyinmə otaqlarına gedirdim. Narahatçılıq, gərginlik var idi. Hələ turnirdən öncə bilirdik ki, komandalar bizə qarşı aqressiv oynayacaqdılar.

- Yerli futzalçıların çıxşı sizi qane etdi?

- Təbii ki, onların olması sevindiricidir. Məqsədimiz yerli uşaqları da yetişdirməkdir. Onlar təcrübəli əcnəbilərin yanında yetişəcəklər. Bu iş bizdə davam olunacaq. 4-5 gəncimiz var ki, A milli komandaya cəlb olunacaqlar. Uşaqların oyunları ümid verir. Onlara da zaman lazımdır ki, təcrübə yığsınlar. Avropa çempionatında heyətdə yerli futzalçılar olacaq. 

- Komandamız uğuru olmayan futzal komandaları ilə əziyyət çəkdi. Amma bundan öncə daha güclü yığmalara qarşı oyunda bundan yaxşı çıxış etmişdik...

- Mən belə deməzdim. Neçə illərdir ki, milli komanda “Araz”ın bazasında qurulub. “Fənərbaxça”, “Xəzər Adaları” kimi klublar var idi. Onlar çempionluğa oynayırdı. Yığmanın bazası “Araz”da olmağına baxmayaraq digər klublardan yerli oyunçular milliyə çağrılır. Çempionatımızdan razıyam. Bizim məqsədimiz Azərbaycan bayrağını yüksəltməkdir. Hər hansı klubun inkişafını düşünmək deyil.

- Sizcə, yeni baş məşqçi Biro Jade özünü doğrultdu?

- Narazı məqamlarımız oldu. Biro Jade futzalçı kimi çox peşəkar idi. O, Azərbaycanda oynayanda millinin əsas üzvlərindən biri idi. Bizim üçün çox işlər görüblər. Amma baş məşqçi başqa səviyyədir. Yaxşı baş məşqçi olmaq üçün təcrübə lazımdır, illər lazımdır. Biroda bu çatışmır. Miltinyo problemlərə görə getdi. Məcbur köməkçisi Bironu baş məşqçi qoyduq. Çünki 3-4 ay üçün yeni baş məşqçi tapmaq və üstəlik bunu mövsümün ortasında etmək çox çətin olardı. Sınaq kimi bunu Biro Jadeyə həvalə etdik. Çox cavandır və gələcəyi var. İstəsə, yenə Azərbaycanda qalacaq. Amma millimizin baş məşqçi məsələsinə may ayında yenə qayıdacağıq. Sloveniyada kim baş məşqçi olsa da, bizə nəticə lazımdır.

- Qazaxıstanda çalışan Kakao və Alesionun adı millimizlə yanaşı çəkilir...

- Biz Kakao ilə danışmamışıq. Bu, cəfəngiyyatdır. Kakaonun müqaviləsi var.  Olmasa belə, o bizim marağımızda deyil. Alesio isə olub. Bir-iki ispan məşqçi var ki, bu gün də onlar gündəmdədir. Amma Kakao piar sevən insandır. Yəqin yatıb yuxusunda görüb ki, Azərbaycana baş məşqçi gəlir. Baş məşqçi məsələsi mənim səlahiyyətimdədir. Sizə əminliklə deyirəm ki, Kakao ilə danışıq olmayıb. 

- Azərbaycandan qalmaqalla ayrılan Alesionun qayıdışı nə dərəcədə realdır?

- O, səhvini başa düşüb. Bizə məktublar yazdı və üzr istədi, Serbiyada gördüşdük, danışdıq. Hər şey ola bilər. Kim olursa-olsun, bizə nəticə lazımdır. 

- Milli komanda Avropa çempionatı öncəsi daha çox yoldaşlıq görüşü keçirə biləcək?

- Biz bunu istəyirik. Amma görürsən ki, rəqiblərlə vaxt baxımından problem olur. Yoldaşlıq görüşləri turnirlər öncəsi vacibdir. Biz iyul ayından yoldaşlıq görüşləri üçün komandalar tapmağa çalışacağıq. Sizinlə razıyam ki, bu vacib məsələdir. Ən azı iki təlim-məşq toplanışı olacaq.

- Komandanın əsas heyət üzvlərindən biri Ramiz Çovdarovun qovulması haqqında danışardınız. Onun üstündən xətt çəkdiniz?

- Mən neçə ildir ki, burdayam və həmişə demişəm ki, nəticədən də vacib nizam-intizamdır. Ramiz Çovdarovu milliyə mən dəvət etmişəm. Elə məşqçilər var idi ki, onun komandaya gəlməsini istəmirdilər. Onu “Araz”a da mən göndərmişəm. Yığmada da oynamasını mən deyirdim. Amma o insan dəfələrlə komandada nizam-intizamı pozub. Baş məşqçinin mənə verdiyi məlıumata görə, onu komandadan qovduq. Daxili intizamı pozduğuna görə. Ona hər zaman ehtiyacımız var. Bu gün də yeri görünürdü. Biz heç kimin üstündən xətt çəkmirik. Onunla dəfələrlə danışdıq, başa saldıq. Gələcəkdə səhvlərini başa düşsə, qayıdacaq. 

-  Üzr istəməlidir?

- Özü yaxşı bilir ki, kimin qabağında nizam-intizamı pozub. Bütün komandadan üzr istəmələdir. Mən federasiya prezidenti kimi istəyirəm ki, millidə oynasın. Amma hər şey özündən asılıdır. 

Mərdan Həsənov





Xəbər lenti







İnter Qarabağ Qəbələ Sumqayıt Neftçi Səbail Zirə Kəpəz