Kateqoriya: Futzal | Tarix: 19.09.2016 05:00
Kolumbiyada keçirilən futzal üzrə dünya çempionatında 1/8 final mərhələsinin təqvimi müəyyənləşib.
Newsport.az-ın məlumatına görə, Azərbaycan yığması 1/8 finalda B qrupunun ikincisi Tailandla qarşılaşacaq.
Həmin görüş sentyabrın 22-dən 23-nə keçən gecə Bakı vaxtı ilə 02:30-da start götürəcək. Qarşılaşma hazırda yığmamızın məskunlaşdığı Medelin şəhərindək “Coliseo Ivan de Bedout”da keçiriləcək.
Qeyd edək ki, bu mərhələni də adlayacağı təqdirdə Azərbaycan millisi 1/4 finalda Portuqaliya - Kosta-Rika cütünün qalibi ilə üz-üzə gələcək.