Kateqoriya: Futzal | Tarix: 20.04.2016 19:00
Braziliyalı mütəxəssis, Qazaxıstan yığmasının sabiq baş məşqçisi Kakau Azərbaycan millisini çalışdırmaq imkanını dəyərləndirib.
Newsport.az-ın məlumatına görə, o, bunları söyləyib:
"Azərbaycan yığması çox güclü komandadır. Hansı baş məşqçi belə bir komandanı çalışdırmaq istəməz ki? Azərbaycan Futzal Federasiyasının prezidenti Zaur Axundova böyük hörmətim var. Əlbəttə, Azərbaycan millisini çalışdırmaq təklifi alsam, bundan imtina etməzdim. Qazaxıstanda işlərim yaxşı gedir, amma müqavilənin müddəti başa çatır. Tino Peresin gedişi barədə heç nə deyə bilmərəm. Ona məşqçi kimi hörmət edirəm. Zaur Axundovdan təklif gəlsə, müzakirə etmək olar".
Azerisport.az