Futzal üzrə yığma komandaların yeni reytinq cədvəli açıqlanıb.

Newsport.az-ın məlumatına görə, Azərbaycan yığması 10-cu pillədəki yerini qoruyub.

Komandamızın hesabında 1411 reytinq xalı var.

Qeyd edək ki, ötən gün dünya çempionatına vəsiqə uğrunda Hollandiya ilə cavab pley-off matçına çıxan komandamız meydandan 4:4 hesablı heç-heçə ilə ayrıldı. İlk oyunda 5:1 hesabıyla qalib gəlmiş millimiz tarixində ilk dəfə dünya çempionatının final mərhələsinə vəsiqə qazandı. Lakin göründüyü kimi, bu uğur komandamızın reytinq siyahısındakı mövqeyinə heç bir təsir göstərməyib.