Vitali Borisov: "Onların səsini eşitmək çox xoş idi"

Futzal üzrə Azərbaycanın millisinin hücumçusu Vitali Borisovun müsahibəsi

- Dünya çempionatının seçmə mərhələsinin "pley-off" mərhələsində Hollandiya ilə ilk oyundan 5:1 hesablı qələbə ilə ayrıldınız. Oyunla bağlı təəssüratınız necədir?

- Oyun gözlədiyimiz kimi bir az çətin keçdi. Çünki meydança bizim üçün ağır idi. Top da həmin meydança üçün uyğun deyildi. Həmin zalda hər şey sürətlə baş verirdi. Ona görə də topu düzgün idarə edə bilməyimizdə çətinlik yaranırdı. Ancaq bütün imkanlardan 70 faiz istifadə edə bildik.

- Fasilədə nə dəyişdi?

- Fasiləyə 2:1 hesabı ilə öndə çıxdıq. Əsas istəyimiz ikinci hissədə qapıdan top buraxmamaq idi. Buna da nail ola bildik. Çünki bunun üçün bütün imkanlarımızdan istifadə etdik.

- Rəqibin zəif tərəfi nə idi?

- Zərbə mövqeyindən çox az istifadə edirdilər. Bəlkə də biz onlara imkan vermirdik. Taktiki cəhətdən, az da olsa, bizdən zəif idilər.

- Bu, ikinci oyunu formallığa çevirə bilər?

- Əlbəttə, yox. Çünki futzal oyunu futbol kimi deyil.

- Kolumbiyada keçiriləcək dünya çempionatına indidən bilet sifariş vermək olar?

- Bunun üçün aprelin 12-də Bakıda keçiriləcək cavab oyununun nəticəsini gözləmək lazımdır.

- Hollandiyadakı qarşılaşmada qazanılan qələbə istər-istəməz insanı rahatlaşdırır. Bu, cavab oyunu üçün arxayınlıq yaratmaz?

- Təbii ki, 5:1 hesablı qələbə yaxşı göstəricidir. Yenə də arxayın olmaq lazım deyil. Əsas Bakıda keçiriləcək cavab oyununda qələbə qazanmaq lazımdır. İndiki qələbəmiz sadəcə, cavab oyunu üçün bizim üstünlüyümüz deməkdir. İnsanlar tribunadan bizə çox yaxşı dəstək oldular. Oyun zamanı onların səsini eşitmək çox xoş idi.

sportnet.az





Xəbər lenti







Neftçi Qarabağ Qəbələ Sumqayıt Kəpəz Sabah Araz-Naxçıvan Səbail Turan Tovuz Zirə
Banner left
Banner right