Avropa Liqasının qrup mərhələsinin V turunda “Sevilya”nın qonağı olacaq “Qarabağ” artıq İspaniyadadı.
Bakı vaxtı ilə saat 16:00-da Heydər Əliyev Beynəlxalq Hava Limanından çarter reysi ilə Sevilyaya yollanan Ağdam klubu 6 saat 45 dəqiqəlik uçuşdan sonra mənzil başına çatıb.
Sabah 21:40-da baş məşqçi Qurban Qurbanovun mətbuat konfransı, ardınca komandanın açıq məşqi olacaq.
Noyabrın 28-də “Ramon Sançes Pisxuan” stadionunda keçiriləcək “Sevilya” - “Qarabağ” matçı saat 00:00-da start götürəcək.