“Qarabağ” komandası Avropa Liqasının qrup mərhələsinin 4-cü turunda APOEL-lə keçirəcəkləri oyun üçün bu gün Kiprin Larnaka şəhərinə yola düşüb.

Newsport.az-ın məlumatına görə, komanda səfərə çarter reysi ilə yola düşüb. Bu zaman təyyarənin bütün oturacaqları üzərinə "Qarabağ"ın loqosunun yapışdırılması diqqət çəkib.

Qeyd edək ki, noyabrın 7-də keçiriləcək APOEL – “Qarabağ” oyunu Bakı vaxtı ilə saat 21:55-də başlayacaq.