"Qarabağ" Avropa Liqasının qrup mərhələsinin II turunda Lüksemburqun "Düdelanj" klubunun qonağı olub.

ewsport.az-ın məlumatına görə, 4:1 hesablı qələbə əldə edən Qurban Qurbanovun komandası bütün göstəricilərdə rəqibini üstələyib.

"Qarabağ" topa yiyələnmədə 58:42 üstün olub. Ağdam klubun 12, rəqib isə cəmi 3 dəfə qapıya dəqiq zərbə vura bilib. "Qarabağ" futbolçularının 605 dəqiq ötürməsi olubsa, Lüksemburq klubunda bu say 381 təşkil edib. "Düdelanj" 12, "Qarabağ" 4 qayda pozuntusuna yol verib. Bunun nəticəsində rəqib 4 sarı, 1 qırmızı vərəqəyə məruz qalıb. "Qarabağ"da isə heç kim rəsmi xəbərdarlıq almayıb.