Lopeteqi: "Qarabağ"da güclü futbolçuların olması qələbəni çətinləşdirir"

Avropa Liqasının qrup mərhələsində “Qarabağ”ın qonağı olacaq “Sevilya”nın baş məşqçisi Xulen Lopeteqi oyun öncəsi fikirlərini bölüşüb.
 
Newsport.az xəbər verir ki, ispaniyalı mütəxəssis suallara cavab verib:
 
- Daha öncə “Atletik” və “Atletiko” klubları daha öncə Bakıda qalib gələ bilməyib. Bu barədə məlumatınız var? Bu, sizin üçün nə deməkdir?
- Axşamınız xeyir. Əlbəttə, bura gələn klublar haqda məlumatım var. Bu faktı bilirəm. Bu klubda güclü yerli və legioner futbolçular var. “Qarabağ” digər Avropa klublarının da işlərini çətinləşdirib.
 
- Sizin üçün burdan məğlubiyyət və ya heç-heçə ilə ayrılmaq nə demək olacaq?
- Çətinliklərə baxmayaraq, qalib gələcəyimizə inanırıq. “Qarabağ”ı güclü klub hesab edirik. 
 
- “Sevilya”nın həftəsonu “Real”la oyunu var. Bəzi oyunçuları ehtiyatda saxlaya bilərsiniz?
- Bizim üçün bir oyun var. Ancaq “Qarabağ”ı düşünürük.
 
- Sabah heyətdə dəyişikliklər baş verəcək?
- Bütün futbolçular tam hazırdır. Sabah qərarımızı verəcəyik. Dəyişikliklər mümkündür.
 
- Yalnız sabahkı oyunu düşünürsünüz, yoxsa “Real”la matç da beyninizdədir?
- Bütün atlara birdən minmək mümkün deyil. Yalnız bir ata minmən istəyirik. Bütün diqqətimizi sabahkı görüşə yönəltmişik.

 





Xəbər lenti







Keşlə Qarabağ Qəbələ Sumqayıt Neftçi Səbail Zirə Sabah