"Qarabağ" bizdən güclü idi və hamı bunu gördü"

Avropa Liqasının pley-off mərhələsinin cavab oyununda Bakıda “Qarabağ”a uduzaraq (1:2), mübarizəni dayandıran (ilk oyun – 3:2) Şimali İrlandiyanın “Linfild” klubunun baş məşqçisi Devi Hili matçdan sonra təşkil edilən mətbuat konfransında jurnalistlərin suallarını cavablandırdı...

- Hakimlikdən narazı olduğunuz hiss edilirdi. Matçdan sonra da ona yaxınlaşdız. Narazılığınız əsas nə ilə bağlı idi?
- Bəzən olur ki, matçdan sonra isti başla narazılıqlarım olur. Əsas qaranlıq məqam ikinci qolda ofsayd olub-olmadığı idi. Matç ərzində isə hakiminm qərarları məni təəccübləndirdi. Əksərən ev sahibinin lehinə olurdu. Bu, ilk təəssürat da ola bilər.

- Necə fikirləşirsiz, “Linfild” qrupa düşsəydi, futbol ilahəsi özünü asardımı?
- “Qarabağ” bizdən güclü idi və bunu hər kəs gördü. Rəqibin daha yaxşı olduğunu qəbul edirik. Amma göstərdikləri oyuna görə futbolçularımla fəxr edirəm. Qrupda olmaq istərdik. “Qarabağ”a uğurlar arzulayıram.

- Komandanızda bir bütovlük yox idi sanki...
- İlk oyunumuzu görməmisiz yəqin. Biz yarı-peşəkar komandayıq. Futboldan pul qazanmırıq. Mübarizə apardıq. Bizim necə oynadığımızı "Qarabağ"dan soruşsaz, daha yaxşı olar.

- Belfasta qədər uzun yolunuz olacaq. Təyyarədə ən çox nəyi və ya kimi xatırlayacaqsız?
- Bakını xatırlayacam. Burda yaxşı oqnaqpərvərliklə qarşılaşdıq. "Qarabağ"a təşəkkür edirəm və qrup mərhələsində uğur arzulayıram.

- Komandanız güclü rəqibə qarşı yaxşı mübarizə apardı. Bunu necə bacardız?
- Bilirdik ki, topa çox sahib ola bilməyəcəyik. Buna görə də mübarizə aparmaq lazım idi. İki oyunda rəqibə müqavimət göstərdik. İmkanlarımız da oldu. Ancaq bacardığımız bu qədər idi.





Xəbər lenti







Keşlə Qarabağ Qəbələ Sumqayıt Neftçi Səbail Zirə Sabah