Bu gün Avropa Liqasının qrup mərhələsində 3-cü turun oyunları keçiriləcək.

Newsport.az-ın məlumatına görə, turnirdə ölkəmizi təmsil edən “Qarabağ” da növbəti oyununa çıxacaq. Qurban Qurbanovun komandası Bakıda Ukraynanın “Vorskla” klubunu qəbul edəcək.

Əvvəlki iki görüşdə uduzan hər iki komanda bugünkü matçda ilk xalını və ya xallarını qazanmağa çalışacaq. Çünki bu oyundakı xal itkisi növbəti mərhələ şansını heçə endirə bilər.

Qeyd edək ki, E qrupunun digər oyununda “Sportinq” “Arsenal”ı qəbul edəcək.

25 oktyabr

Avropa Liqası

Qrup mərhələsi, 3-cü tur

20:55. “Qarabağ” (Azərbaycan) – “Vorskla” (Ukrayna) - 0:1
Baş hakim: Roi Reinshreiber (İsrail)
Bakı Olimpiya Stadionu