Bu gün Avropa Liqasının pley-off mərhələsinə start veriləcək.
Newsport.az-ın məlumatına görə, turnirdəki yeganə təmsilçimiz "Qarabağ" səfərdə Moldovanın "Şerif" klubunun qonağı olacaq.
Tiraspol təmsilçisi də Ağdam klubu kimi mübarizəyə Çempionlar Liqasından başlayıb. “Qarabağ” 3-cü, "Şerif" isə 2-ci təsnifat mərhələsində uduzaraq, Avropa Liqasına düşüb.
Xatırladaq ki, ötən mövsüm Çempionlar Liqasının 3-cü təsnifat mərhələsində “Qarabağ” bu rəqibini mübarizədən kənarlaşdırıb. Bakıda qolsuz heç-heçə edən komandaların Tiraspoldakı duelində "Qarabağ" 2:1 hesablı qələbə qazanıb.
23 avqust
Avropa Liqası
Pley-off mərhələsinin ilk oyunu
21:00. "Şerif" (Moldova) - "Qarabağ" (Azərbaycan) - 1:0
Qol: Rifet Kapiç, 8
Hakimlər: Sergey Tsınkeviç, Yevgeni Romanov, Vitali Malyutsin, Viktor Şimusik (hamısı Belarus)
Tiraspol, "Şerif" İK stadionu