Çempionlar Liqasında “Qarabağ”ın “Atletiko” ilə ev oyununu idarə edəcək Ruddi Buke karyerasında 2-ci dəfə təmsilçilərmizin oyununu idarə edəcək.

Newsport.az-ın məlumatına görə, fransalı referinin yolu komandalarmızla ilk dəfə 2015-ci ildə kəsişib.

AÇ-2016-nın seçmə mərhələsində Bakıda Xorvatiya ilə qolsuz bərabərə qaldığımız matçı da məhz o idarə etmişdi. Referi həmin görüşdə hər iki komandanın 3 futbolçusuna sarı vərəqə göstərmişdi. Referinin xəbərdarlıq etdiyi futbolçulardan biri də ağdamlıların yarımmüdafiəçisi Qara Qarayev olub.

Qeyd edək ki, 2011-ci ildən FİFA referisi statsunu daşıyan Bukke indiyə kimi idarə etdiyi 53 beynəlxalq qarşılaşmada futbolçulara 227 sarı, 14 qırmızı vərəqə göstərib. O, 14 dəfə də qapılara penalti təyin edib