“Qarabağ” topla əla rəftar edir” - “Şerif”in baş məşqçisi

“Qarabağ”ı yaxşı təhlil etmişdik. Birinci hissədə xeyli qol vəziyyəti yaratdıq. İkinci hissədə isə qol vurmalı idik, hücuma atılmağa məcbur olduq, buna görə də rəqibə daha çox boş sahə verməyə başladıq”.

Newsport.az-ın məlumatına görə, bu sözləri Çempionlar Liqasının üçüncü təsnifat mərhələsində “Qarabağ”a uduzan “Şerif”in baş məşqçisi Roberto Bordin deyib.

Bakıda qolsuz bərabərliyə nail olan, öz meydanında isə 1:2 hesabı ilə uduzan Tiraspol təmsilçisinin çalışdırıcısı nəticənin qanunauyğun olmadığını bildirib:

“Qarabağ” çox yaxşı, texnikalı komandadı. Topla əla rəftar edirlər. Bununla belə düşünürəm ki, “Şerif” meydanda dominantlıq edən tərəf idi. Daha çox vəziyyət yaratdıq, təəssüf ki, bu şanslardan istifadə edə bilmədik.

Oyundan sonra danışmaq çox asandı. İlk hissədə bir qol vura bilsəydik, oyun tamam fərqli məcrada davam edəcəkdi”.





Xəbər lenti







Keşlə Qarabağ Qəbələ Sumqayıt Neftçi Səbail Zirə Sabah