“Maynts”la oyun çox çətin keçəcək. Rəqib sıradan komanda deyil, çox güclüdü”.
Newsport.az-ın məlumatına görə, bunu “Qəbələ”nin futbolçusu Asif Məmmədov deyib. Avropa Liqasının qrup mərhələsi çərçivəsində “Qəbələ” sabah “Maynts”ı qəbul edəcək. “Qırmızı-qaralar”ın matçdan öncə keçirilən mətbuat konfransında Məmmədov da iştirak edib:
“Maynts” öz çempionatlarında yaxşı oynayır. Asan təslim olmaq istəmirik. Var gücümüzlə mübarizə aparacağıq. Sabah meydana 3 xal üçün çıxacağıq.
Son vaxtlar “Qəbələ”dəki oyunum pis alınmır. Baş məşqçi də mənə inanır, bu, güvənimi artırır. Amma öz oyunumdan tam razı deyiləm. Məncə, daha yaxşı oynaya bilərəm”.
Komanda.az