"Bu, "Qarabağ"ın gücündən xəbər verir" - "Slovan"ın futbolçusu

Kateqoriya: Avropa Liqası | Tarix: 14.09.2016 14:27

Çexiyanın "Slovan" klubunun futbolçusu Martin Latka Bakıya səfəröncəsi klubun rəsmi saytına müsahibə verib. Futbolçu sabah "Qarabağ"a qarşı keçiriləcək oyun haqqında danışıb:

- Hava limanında bir az sizi gecikdirdilər. Nə məsəli idi?

- Sənədlərimi yoxlayırdılar. Viza ilə bağlı kiçik detalı həll etdilər. Hər şey qaydasındadır.

- Lukaş Pakornisiz oyun çətin olmayacaq?

- Bəli, çətin olacaq. O, bizim əsas futbolçumuz və kapitanımızdır. Yəqin ki, məşqçimiz Pakorninin yoxluğunda seçimini edib. Ümid edirəm ki, səfərdə yaxşı oynayacağıq və azarkeşlərimizi sevindirəcəyik.

- Komandaya gəlişinin əsas səbəbi avrokuboklarda çıxış etmək idi?

- Əlbəttə, bu, belədir. Avropa Liqasının qrupuna vəsiqə qazanamq böyük uğurdur və biz buna nail ola bilmişik. Təsnifat mərhələlərini uğurla adladıq. Ümid edirəm ki, qrupda da uğurlu çıxış edəcəyik.

- Pakorninin yoxluğunda sürpriz taktika ilə meydana çıxa bilərsiz?

- Son qərarı baş məşqçi verəcək. Mən oyuna tam hazıram.

- Bakıdan heç-heçə ilə qayıtmaq uğurlu olacaq?

- Bu, oyunun gedişatından asılı olacaq. Oyun göstərəcək ki, bir xal bizim üçün yaxşı, yoxsa pis nəticədir.

- Azərbaycan futbol xəritəsində səs-küylü deyil, amma "Qarabağ" çox keyfiyyətli oyun nümayiş etdirən komandadır...

- Avrokuboklarda Azərbaycan klubları çıxış edib. "Neftçi" və "Qarabağ" Avropa Liqasının qrupunda çıxış ediblər. Rəqibimiz olan "Qarabağ" artıq bunu ardıcıl 3-cü dəfə təkrarlayıb. Bu, onların gücündən xəbər verir. Yaxşı iqtisadi imkanları da var. Komandaya yüksək səviyyəli oyunçular cəlb olunub. Bütün bunlara baxmayaraq, bizim məqsədimiz qrupda uğurla çıxış etməkdir.

Paylaş