"Qarabağ" Avropa Liqasının pley-off mərhələsinin ilk matçında səfərdə İsveçin klubuna 0:1 hesabıyla məğlub olub. Oyundan sonra "Qöteborq" klubunun müdafiəçisi Mattias Byarsmyur "Qarabağ"a qarşı keçirdikləri ilk oyunu belə şərh edib.
Newsport.az-ın məlumatına görə, o, bunları söyləyib:
"Çox ağır bir oyun oldu. "Qarabağ"a qarşı necə oynayacağımızı yaxşı bilirdik.Onlar bu mərhələyə təsədüfən çıxmayıblar. Azarkeşlərimizin fantastik dəstəyi sayəsində qələbə qazandıq.Biz bu oyunda səylə müdafiə olunduq. Rəqib bizi oyun boyu müdafiədən oynamaqa məcbur etdi.Baxmayaraq ki, bu qədər müdafiədən oynamaq heç planlarımıza daxil deyildi".