"Qəbələ"nin yarımmüdafiəçisi Teo Uiks Avropa Liqasının üçüncü təsnifat mərhələsi çərçivəsində Fransanın "Lill" klubuna qarşı keçirdikləri səfər oyunundan (1:1) sonra müsahibə verib:
- Oyun barədə nə deyə bilərsiniz?
- Çətin oyun oldu. Qələbə qazanmaq istəyirdik, amma heç-heçə ilə kifayətlənməli olduq.
- Birinci hissədə sizin də qol vurmaq şansınız oldu...
- Şans oldu, amma ondan yararlana bilmədim. Əlbəttə, elə bir imkanı əldən verdiyim üçün təəssüflənirəm.
- Həmin epizodda fərqlənsəydiniz, qələbə daha da yaxın olacaqdınız...
- Bəli, tarixi qələbəyə yaxın idik. Təəssüf ki, onu əldən verdik.
- Fasilədən sonra nə dəyişdi ki, komandanızda heç nə alınmadı?
- "Lill" evdə oynayırdı və məğlub duruma düşmüşdü. Azarkeşəri də komandanı irəli səsləyirdilər. Biz üstünlüyümüzü qorumağa, əks-hücumlara bel bağlayırdıq.
- Heç-heçəyə görə sevinmirsiniz?
- Biz hələ mərhələ keçməmişik. Sadəcə, səfərdə yaxşı nəticə qazanmışıq. Amma buna görə də sevinməyə dəyər.
- Mövsümə inamlı başlamısınız. Bilirsiniz ki, sizdən hər oyunda daha da çox şey gözlənilir?
- Bəli, bu, məsuliyyətimi daha da artırır.
- Cavab oyununda nə gözləyək?
- Komandamızın qələbəsini. Öz meydanımızda qalib gəlməliyik.
azerisport.az