"Qızıl buts" almaq niyyətində deyiləm" - "Qəbələ"nin futbolçusu

Kateqoriya: Avropa Liqası | Tarix: 07.07.2016 23:16

Avropa Liqasının I təsnifat mərhələsinin cavab oyunları çərçivəsində "Qəbələ” səfərdə Gürcüstanın "Samtredia” komandasının qonağı olub. Bakıda baş tutan ilk matçda 5-1 hesablı qələbə qazanan "qırmızı qaralar” bu dəfə meydanı məğlub tərk edib – 2:1.

Matç başa çatdıqdan sonra "Qəbələ”nin yeganə qolunun müəllifi Teo Uiks Newsport.az saytına müsahibə verib:

- Oyun haqqında fikirləriniz necədi?

- Çətin oyun oldu. Matçı yaxşı keçirmədik. Amma əsas məsələ növbəti mərhələyə keçmək idi ki, bunu da bacardıq.

- Komandaya yeni qoşulsanız da, iki oyuna artıq 4 qol vurmusunuz. "Qızıl buts" almaq istəyirsiniz?

- Qarşıma belə bir məqsəd qoymamışam. Çünki mən hücumçu deyiləm. Lakin "Qəbələ"də hər-hansı uğur əldə etmək pis olmazdı.

- Cavab görüşündə sərgilədiyiniz oyun növbəti mərhələyə təsir etməyəcək?

- Hər oyun eyni olmur. Bəzən yaxşı təsir bağışladığımız halda, bəzən pis oynayırıq.

- Azərbaycana yeni gələn futbolçu kimi, özünüzü necə hiss edirsiniz?Adaptasiya problemini tam keçmisinizmi?

- Özümü xoşbəxt hiss edirəm. Komanda yoldaşlarımla da münasibətim yaxşıdı. Buna görə də, "Qəbələ" mənim yeni komandam olmasına baxmayaraq, özümü narahat hiss etmirəm.

- İki oyunda 4 qol vurmaqla azarkeşləri pis öyrətdiniz. Bu yükün altından necə çıxacaqsınız?

- Bu, mənim üçün müsbət haldı. Amma yenə deyirəm ki, mən hücumçu deyiləm. Qollar vursam allaha təşəkkür edərəm. Vura bilməsəm də, azarkeşlərlə ünsiyyət saxlayaram və danışıb razılaşaram.

Mərdan HƏSƏNOV / Zestafoni

Paylaş