UEFA-nın baş katibi Corco Marketti Konfrans Liqasının 1/8 final mərhələsinin püşkatma mərasimi başlamamışdan əvvəl, dünən “Qarabağ”ın pley-off mərhələsinin “Marsel”ə qarşı keçirdiyi cavab oyununda etdiyi nümunəvi hərəkət haqda danışıb.

Newsport.az-ın məlumatına görə, Marketti Ağdam klubunun baş məşqçisi Qurban Qurbanovun “fair-pley” hərəkətini belə şərh edib:

​“Bu gün həm də “Qarabağ”ın ifasındakı inanılmaz idman ruhu və “fair-play” hərəkətini qeyd etmək istəyirəm. Hansı ki, onlar öz qollarının hakimdən ləğv etməsini xahiş etdilər. Əla, cənablar. Turnirdəki çıxışınız əla alındı. Ədalətli davranmağınız isə hər kəs tərəfindən böyük hörmətə layiqdi".