Şotlandiyanın "Seltik" klubunun hücumçusu Nadir Çiftçi UEFA Çempionlar Liqasının üçüncü təsnifat mərhələsi çərçivəsində Azərbaycan çempionu "Qarabağ"a qarşı keçirəcəkləri cavab oyunu öncəsi fikirlərini açıqlayıb.
Newsport.az saytına açıqlamasında o, bunları söyləyib:
"Mən Türkiyədə anadan olmuşam. Amma Azərbaycanda heç vaxt olmamışdım. Cavab oyunu öncəsi əhval-ruhiyyəmiz yaxşıdır. Çünki ev oyununda 1:0 hesabıyla qalib gəlmişik. Artıq cavab oyununu gözləyirik. İsti olacağını bilirik. Amma biz həm istiyə, həm də "Qarabağ"a qarşı tam hazır olmalıyıq. Rəqibin necə yaxşı komanda olduğunu görmüşük".