“Viktoriya” “Qarabağ”dan daha şanslı görünür” “Neftçi”nin sabiq futbolçusu

“Neftçi”nin sabiq futbolçusu Zdenek Folprext UEFA Çempionlar Liqasının pley-off mərhələsi çərçivəsində “Qarabağ” və Çexiyanın “Viktoriya” (Plzen) komandası arasında keçiriləcək ilk oyundan öncə fikirlərini bölüşüb.

Newsport.az-ın məlumatına görə, çexiyalı yarımmüdafiəçi ölkəsinin mətbuatına açıqlamasında bildirib ki, qonaqları Azərbaycan paytaxtında yalnız matçın keçiriləcəyi Tofiq Bəhramov adına Respublika stadionu təəccübləndirə bilər:

“Bu, olduqca qədim arenadır. Stadionda qaçış cığırları və elə də yaxşı olmayan paltardəyişmə otaqları var. Azərbaycan millisi Almaniyaya qarşı ev oyununu da burada keçirib. Azarkeşlər orada yaxşı atmosfer yarada bilirlər. Fikrimcə, matçın Respublika stadionuna salınmasının əsas səbəblərindən biri budur.

“Viktoriya”nın şanslarını nisbətən yüksək qiymətləndirirəm. “Şerif”də olduğu kimi, “Qarabağ”ın heyətində də 8-9 əcnəbi çıxış edir ki, onların bəziləri fərdi keyfiyyətləri yüksək olan futbolçulardır. Plzen təmsilçisi komanda işi ilə yenidən uğur qazana bilər. Hər şeyi oyun göstərəcək”.

Bu gün Tofiq Bəhramov adına Respublik stadionunda keçiriləcək “Qarabağ” – “Viktoriya” matçına saat 20:45-də start veriləcək. Bu komandalar arasındakı cavab qarşılaşması ayın 23-də Plzendə baş tutacaq.

Xatırladaq ki, Zdenek Folprext 2017-ci ildə icarə əsasında “Neftçi”də çıxış edib.





Xəbər lenti







Keşlə Qarabağ Qəbələ Sumqayıt Neftçi Səbail Zirə Sabah