Çempionlar Liqasının üçüncü təsnifat mərhələsində “Qarabağ”ın rəqibi olan Şotlandiyanın “Seltik” komandası Ağdam klubu ilə ilk matç ərəfəsində yoxlama oyunu keçirəcək.
Newsport.az-ın məlumatına görə, Qlazqo təmsilçisi iyulun 25-də öz meydanında Fransanın yüksək liqa təmsilçisi “Renn” komandası ilə qarşılaşacaq.
Matç Bakı vaxtı ilə saat 19:00-da başlanacaq. Bu oyundan dörd gün sonra, iyulun 29-da isə “Seltik” “Qarabağ”la qarşılaşacaq.