Çempionlar Liqasının II təsnifat mərhələsinin ilk oyunları çərçivəsində baş tutan "Qarabağ” – "Rudar” görüşündə hesab açılmadı.

Newsport.az-ın məlumatına görə, Monteneqro təmsilçisinin kapitanı Nedelko Vlahoviç oyundan sonra açıqlamasında cütün favoritinin hələ də "Qarabağ” olduğunu söyləyib: "Qələbə qazanıb növbəti mərhələyə adlaya biləcəyimizi göstərdik.

Amma "Qarabağ” hələ də cütün favoritidir. Sadəcə, unutmaq lazım deyil ki, futbolda heç nəyi əvvəlcədən demək olmur. Daha güclü komandanın mübarizəni dayandırdığı o qədər hal olub ki. Ona görə də sona qədər mərhələni adlayacağımıza ümidimizi saxlayacağıq. Hər halda, cavab matçında əlimizdən gələninin ən yaxşısını edəcəyik”.