Çempionlar Liqasının I təsnifat mərhələsinin "Qarabağ" - "Partizani" (Albaniya" cavab görüşünü Dumitru Muntyanunun başçılıq etdiyi Moldovadan olan hakimlər briqadası idarə edəcək.
Newsport.az-ın məlumatına görə, ona Vladislav Lifçiu və Andrey Bodean kömək edəcəklər. Dördüncü hakim funksiyasını Aleksandru Tean yerinə yetirəcək.
34 yaşlı referi 2013-cü ildən FIFA referisidir.
Muntyanu 2016-cı ildə "Dalğa Arena"da Azərbaycanın U-21 millisinin Farer adalarıyla qarşılaşmasını (1:1) idarə edib. Yığmanın yeganə qoluna Mahir Emreli imza atmışdı.
Moldovalı hakim UEFA Gənclər Liqasında "Qəbələ"nin Rusiyada "Dinamo"ya (Moskva) 0:5 hesabıyla uduzduğu görüşdə də ədalət təmsilçisi olub.
Muntyanu 37 beynəlxalq oyun idarə edib. O bu görüşlərdə 6 penalti təyin edib, 148 sarı, 8 qırmızı vərəqə göstərib.
17 iyul
Çempionlar Liqası, I təsnifat mərhələsi, cavab oyunu
20:00 “Qarabağ” – “Partizani”
Baş hakim: Dumitru Muntyanu
Yan xətt hakimləri: Vladislav Lifçiu, Andrey Bodean
Dördüncü hakim: Aleksandru Tean
Hakim-inspektor: Uilliam Yanq
UEFA nümayəndəsi: Maykl Foster
Təlim nümayəndəsi: Zaur Hacı-Məhərrəmov
Bakı. "Dalğa Arena".