Çempionlar Liqasının üçüncü təsnifat mərhələsinin “Qarabağ” - BATE (Belarus) oyununa bilet satışı davam edir.

Ağdam klubunun mətbuat xidmətindən Newsport.az-a bildirilib ki, bu gün axşama olan məlumata əsasən, artıq matça satışa çıxarılan biletlərdən 23 mini satılıb. Oyunun başlama saatına qədər bütün biletləriin satılacağı gözlənilir.

Qeyd edək ki, “Qarabağ” - BATE matçı avqustun 7-i, Tofiq Bəhramov adına Respublika stadionunda keçiriləcək və 21:00-da start götürəcək. 

Oyuna biletləri stadionun kassaları, “Qarabağ”ın Park Bulvardakı rəsmi fan shopu, 28 Mall, eləcə də itichket.az saytından onlayn vasitəsi ilə almaq olar.