“Kukesi" futbolçularının mətbuata açıqlamalarına nəzər yetirsək, onların inamlı danışdıqlarını görərik. Bu da onların meydana qələbə üçün çıxacaqlarını göstərir”.

Newsport.az-ın məlumatına görə, bu sözləri “Qarabağ”ın baş məşqçisi Qurban Qurbanov Çempionlar Liqasının 2-ci təsnifat mərhələsinin “Kukesi” ilə sabah keçiriləcək səfər oyunundan öncə təşkil edilən mətbuat konfransında deyib.

O, heyətdə müəyyən problemlərin olduğunu, ancaq səfər matçından yaxşı nəticə qazanmağa çalışacaqlarını bildirib: "Rəqibi yaxşı analiz etmişik. Səhvsiz oynamağa çalışacağıq. Heyətlə bağlı bir neçə problemimiz var, amma meydana çıxanda bunları göstərməməyə çalışacağıq. Səfərdən maksimum sərfəli nəticə ilə qayıtmaq üçün meydana çıxacağıq".

qarabagh.com