“Qarabağ”ın müdafiəçisi Yakub Jezniçak Çempionlar Liqasının təsnifat mərhələlərində sabiq klubu “Legiya” ilə qarşılaşmaq istəmir.

Newsport.az-ın məlumatına görə, polşalı futbolçu bu barədə ölkəsinin mətbuatına açıqlamasında məlumat verib. O bildirib ki, hər iki komandanın qruplara qalması üçün təsnifat mərhələsində üz-üzə gəlmələrini istəmir:

“Gəlin, təsnifat mərhələsində bu iki komandanı qarşıladırmayaq (gülür). Qoy, hər ikisi Çempionlar Liqasının qrup mərhələsinə yüksəlsin”.

Qeyd edək ki, Jezniçak 2004-2005 və 2008-2017-ci illərdə "Legiya"nın formasını geyinib.

Xatırladaq ki, “Qarabağ” ikinci təsnifat mərhələsində Albaniya “Kukesi”si ilə qarşılaşacaq.